10 سالہ بچی کے ساتھ 6 افراد کی جانب سے مبینہ اجتماعي زیادتی کا دل دہلا دینے والا واقعہ سامنے آیا ہے

ملتان تھانہ دہلی گیٹ کی حدود میں 10 سالہ بچی کے ساتھ 6 افراد کی جانب سے مبینہ اجتماعي زیادتی کا دل دہلا دینے والا واقعہ سامنے آیا ہے۔ذرائع کے مطابق متاثرہ بچی کے لواحقین کی مدعیت میں تھانہ دہلی گیٹ میں پولیس نے فوری طور پر مقدمہ درج کر لیا ہے۔ درج کی گئی رپورٹ کے مطابق 6 ملزمان نے معصوم بچی کو حبس بے جا میں رکھ کر زیادتی کا نشانہ بنایا۔ تھانہ دہلی گیٹ پولیس نے متاثرہ خاندان کی درخواست پر کارروائی کرتے ہوئے نامزد ملزمان کے خلاف مقدمہ درج کر لیا ہے۔ متاثرہ بچی کو فوری طبی امداد اور فارنسک معائنے کے لیے نشتراسپتال منتقل کر دیا گیا ہے۔ سی پی او ملتان کے حکم پر ملزمان کی گرفتاری کے لیے خصوصی ٹیمیں تشکیل دے دی گئی ہیں اور مختلف مقامات پر چھاپے مارے جا رہے ہیں۔پولیس حکام کا کہنا ہے کہ واقعے میں ملوث تمام ملزمان کو جلد از جلد گرفتار کر کے قانون کے کٹہرے میں لایا جائے گا اور متاثرہ خاندان کو انصاف فراہم کیا جائے گا۔